Центар за кариера > Што може да работи еден математичар? > Програмер
Програмер
Математичарите многу често се наоѓаат себе си и во полето на програмирањето. Пишувањето на програма е слично на решавањето на една математичка задача. Секоја програма за дадени влезни податоци, дава одреден излез, исто како што решението на математичката задача дава одговор. Задача на програмерот е да го презапише алгоритмот за решавање на некој проблем на јазик разбирлив за комјутерите, наречен програмски јазик. Учењето на програмски јазици е како учењето на странските јазици, треба да се совладаат резервираните зборови (вокабуларот), синтаксите на наредбите (граматиката), и понатаму се останува на континуирано практикување на јазикот - програмирање. Основите на програмирањето се изучуваат на сите насоки на првиот циклус студии на математика и математика-информатика, проширени знаења од типот изучување на повеќе програмски јазици, како и повеќе видови на програмирање може да се стекнат на првиот циклус студии по математика-информатика. Продлабочени програмерски вештини се стекнуваат на вториот циклус студии по Нумеричка оптимизација и апроксимации.
Програмерите со продлабочен интерес и знаења од комјутерските науки, ја наоѓаат и својата професионална определба како софтвер инженери. Софтвер инженерот генерално дизајнира и пишува софтвер кој не е нумерички ориентиран. Големите корпорации задолжително вработуваат софтвер инженери чија задача е развивање на сопствен софтвер на самата корпорација.
Програмерите со продлабочен интерес и знаења од комјутерските науки, ја наоѓаат и својата професионална определба како софтвер инженери. Софтвер инженерот генерално дизајнира и пишува софтвер кој не е нумерички ориентиран. Големите корпорации задолжително вработуваат софтвер инженери чија задача е развивање на сопствен софтвер на самата корпорација.
Copyright © 2015 Центар за кариера на ИМ
