Zoran Sunic

Зоран Шуниќ

„Математиката е мојата работна задача.“

Зоран Шуниќ има предавање на Макс Планк Институтот во Бон

Занимање: Универзитетски професор
Компанија: Тексас А&М Универзитет, САД
Образование:
- Дипломиран математичар (теоретска насока), 1991, Универзитет Св. Кирил и Методиј, Скопје
- Магистер по математика, 1995, Универзитет Св. Кирил и Методиј, Скопје
- PhD in Mathematics, 2000, State University of New York, Binghamton, USA
Опис на работното место:
Настава на додипломски и пост-дипломски студии, индивидуална работа во својство на ментор со студенти на пост-дипломски студии, истражувачка работа и публикација на научни трудови.

Опис на еден работен ден?
Зоран Шуниќ: Кај мене постојат неколку видови на работни денови (една од причините што никогаш не е здодевно). Некои денови се исполенти со настава (подготовка, предавање, консултации, преглед и оценка на испити, ...), некои се посветени на директна работа со моите докторанти (еден-на-еден средби и разговори), некои на мојата истражувачка работа (обично ми требаат долги периоди на фокусирана работа), а некои се проведени на пат, на конференции и слични средби на кои што учам од другите и, истовремено, имам можност да ги презентирам резултатите на мојата работа.

Зоран Шуниќ има предавање на Шредингер Институтот во Виена

Колку работата како универзитетски професор ве исполнува?
Зоран Шуниќ: Мојата кариера и моето задоволство се едно исто, го правам тоа што отсекогаш ме радувало и инспирирало и ја следам својата љубопитност - нема подобра комбинација за исполнетост. Не тврдам дека нема тешки денови, но секако нема здодевни.

Што би им препорачале на студентите на ИМ?
Зоран Шуниќ: Читајте и поставувајте си прашања по секој параграф. Патем, читајте се од барем два извора, колку и да ве збунува на почетокот.

Интервјуираше: Ирена Стојковска, Центар за кариера на Институтот за Математика
Објавено: 21 август 2014